Hainbat anplifikadore eta prebioen kanalak erabiltzeko aukera izatea, eta aldaketa pedal bakar bat sakatuz egitea. Hori da Switch midiaren helburua.

Honakoan Bogner anplifikadore bat eta Groove Tubes prebio bat batera erabiltzeko izan zen enkargua. Bogner anpliak hiru kanal ditu eta GT prebioak beste hiru, gainera, booster bat dute kanal bakoitzeko. Biek, GT prebioa eta Bogner anpliak azken honen potentzia etapatik sonatzen dute.

Switch midiak 124 preset ditu eta hauekin aukeratu dezakezu soinua zer anplitik edo zer prebiotik nahi duzun, eta azkeneko honen zer kanaletik; Botoi bakar batekin preset bezala gorde eta zure zuzenekoetan gustukoen duzun pedaleratik bakarrik zapalduta egin ahalko duzu aukeraketa. Hau da, midi kontroleko pedal bakarra zapalduta, anplia edo prebioa, honen kanala eta bestelako midi aparatuen preseta izan dezakezu aukeratuta.

Izan ere, bestelako midi ekipoak ere gehitu ahalko dituzu, adibidez, egungo delay pedal digitalak, reverbak...

¿Eta hau nola egiten du? Switchak anpliek euren pedaletarako dituzten konexioak erabiltzen ditu kanalen aldaketa egiteko. Horregatik, anpliak ez dira moldatu beharrik.

Dena den, switcharen erabilerak anitzak dira. Prebio bat baino gehiago eta anpli bat baino gehiago erabiltzeko egokitu daiteke. Behar duzuna. Horregatik, interesatzen zaizkizun aukerengatik galdetu.

Switcha egiteaz gain, gainera, zure ekipoa tailerrera ekarri dezazun eta konfiguratu dezagun da idea, erabiltzeko prest uzteko.

Beheko diagramak ekipoen arteko konexioa azaldu nahi du. Zaila dirudi, baina ideia argia da: gustukuen dituzun anplien soinua txandakatzea, zuzenekoan, pedal bakar bat zapalduz.