Audio ekipo zaharrek, batzuetan, errepaso bat behar dute berriz lan egin dezaten.

Egindako adibide batzuk:

Leslie bozgorailua: garbigune batetik hartua, elektronikaren errebisioa, ajuste mekanikoren bat, altzaria konpontzea eta sitsen aurkako tratamendu bat behar zuen.
Guztiz desmuntatu genuen, eta tratamendua eta errebisio bat egin genion berriz martxan jarri aurretik. Halaber, moldaketa bat ere egin genion pedalen atalean ikusi daitekeena.

Soundtech Series A mahaia: urteetan hainbat irrati estudiotan erabilitako mahaia, errebisio sakon bat behar zuen. Zenbait osagai aldatu, beste batzuk garbitu eta ibiltzeko prest utzi genuen.

RCA Type 77-DX mikrofonoa: ederki funtzionatzen zuen baina bere itxura ez zen hoberena. Desmuntatu, garbitu, lixatu eta guztiz margotu genuen.